श्री गणेशाय नम: । श्री गुरुभ्यो नम: । श्री कुलदेवताभ्यो नम: । श्री महालक्ष्म्यै नम: । श्री सरस्वत्यै नम: ॥ नाही ज्ञान नाही भक्ती । सिध्दी कशी सांगा तुम्ही ॥ सिध्दी असती गुरु अंगी । ही प्रचिती कितीतरी ॥1॥ सिध्दी म्हणूनी त्यांची । नाही पाहिली महती ॥ सिध्दी स्वरुपी गुरुंची। प्रचिती पाहू इच्छा मनी ॥2॥ अठरा सिध्दी नांदती । गुरु सामर्थ्य कलियुगी ॥ अष्ट श्रेष्ठ महासिध्दी । दहा असती गुणजन्य सिध्दी ॥3॥ पाच असती क्षुद्रसिध्दी । अवगत असती योगीयासी ॥ आणिमा महिमा लघिमा तिन्ही । या देहा संबंधी सिध्दी ॥4॥ अणिमा अति सूक्ष्मरुपी । तन्मात्रा ध्यानी होते प्राप्ती ॥ विश्वरुप आत्मा ध्यानी । महत्स्वरुपी महिमा सिध्दी ॥5॥ अणिमा पंचमहाभूत सूक्ष्मरुपी । महिमा पंचमहाभूत महत्रुपी ॥ लघिमा धारण लघुरुपी । देह सिध्दी योगे प्राप्ती ॥6॥ आत्मा नियंता होता इंद्रियासी । प्राप्त होते प्राप्तनामक सिध्दी ॥ ही असे चवथी सिध्दी । इंद्रियासह तत् विषय प्राप्ती ॥7॥ प्राकाश्य शृत दृष्टता पाचवी । परलोकातील ज्ञान त्यातूनी ॥ सहावी प्रभूता सिध्दी । जडजीवावर सत्ता त्यांची ॥8॥ ईश गुणधर्म वश होती । ती सातवी वशिता सिध्दी ॥ ऐच्छिक सुखाची होई प्राप्ती । कामपूर्ती सिध्दी आठवी ॥9॥ अष्ट सिध्दी या असती । महासिध्दी म्हणती त्यासी ॥ दहा गुणजन्य सिध्दी । क्षुधा तृषादि षट्उर्मी ॥10॥ कदा न पिडीती शरीरासी । ती 'अनुर्मि' प्रथम सिध्दी ॥ दुसरी दूर श्रवण सिध्दी । दूरदर्शन तिसरी असे ॥11॥ मनो वेगे जाई इच्छित स्थळी । ती मनोजव चवथी सिध्दी ॥ इच्छित रुप धारण करी । ती कामना सिध्दी पांचवी ॥12॥ सहावी परकाया प्रवेश सिध्दी । सातवी इच्छामरण सिध्दी ॥ आठव्या द्वारे ईश क्रीडा दर्शन होई। देवासह करिती क्रीडा प्रत्यक्ष ॥13॥ नववी संकल्प सिध्दी । दहावी निरंकुश आज्ञा सिध्दी ॥ पंच असती क्षुद्र सिध्दी । पहिली त्रिकालज्ञ सिध्दी ॥14॥ शितोष्णादि द्वद्वी सत्ता द्वितीयी । पर चित्त विचार जाणती ॥ ही तिसरी क्षुद्र सिध्दी । अग्नि, वायु, उदक, विष ॥15॥ परिणाम न करी शरीरावर । ही स्तंभन नामक चवथी जाण ॥ पाचवी अजिंक्यता नामक । सर्वत्र असे अपराजित ॥16॥ श्रीमद् भागवती श्रीकृष्ण संवादी । उपदेश केला उध्दवासी ॥ सिध्दी हा धाेंडा म्हणती । अडथळे ते अध्यात्मी ॥17॥ आड येती देवरुप प्राप्तीसी । मोक्षकाल जातो दूरी ॥ लागू नये सिध्दीचे नादी । ही पथ्य असे मुमुक्षूसी ॥18॥ सर्व सिध्दी गुरुपदी । उपयोग न त्याचा क्षणोक्षणी ॥ देखावा नाही कांही । उपासक मी, गुरु म्हणती ॥19॥ प्रशांत महासागरी । खळखळाट नाही कांही ॥ खळखळाट उथळ पाण्यासी खोल पाण्या नाही कांही ॥20॥ गुरु दत्तवाडीसी असूनी प्रत्यक्षी । विजु आवदेला घरी ॥ पडू न दिले पायऱ्यावरुनी । उतरविले कडेवर घेऊनी ॥21॥ नागोराव पंच अनुभूती । म्हातारा होऊनी गुरुनी ॥ सामान ठेवले मोटारी । रुप बदलण्या शक्ती ॥22॥ भांबेरीकर मानकरासाठी । हमाल श्रीपादासाठी ॥ गुरु साडेतीन हाती । शक्ती त्यांची सर्व व्यापी ॥23॥ कोणी म्हणती गुरु ही व्यक्ती । शक्ती एकवटलेली त्या देही ॥ समजू नका तुम्ही व्यक्ती । तिथे कार्या सर्व देव शक्ती ॥ 24॥ शक्ती संचय त्या देही । अद्भूतता दिसे अनुभवी ॥ अगाध लीला त्यातूनी । अनुभूती अनेक शिष्यासी ॥25॥ ज्ञानी शिष्य बीडकरासी । ''आले काय '' विचारिती परगांवाहूनी ॥ फाटक उघडता दत्तवाडी । शब्द पडले बीडकरा कानी ॥26॥ गुरु नसता दत्तवाडीसी । शब्द कोठुनी आले म्हणती ॥ 'होय' उत्तर दिले त्यांनी । गुरु व्यापक अनुभूती ॥27॥ महादेव नळकंडेसी । गुरु नसता मठासी ॥ स्नान करण्याचा ध्वनी । मंत्र शब्द पदनाद कानी ॥28॥ राहूनी गुरु दत्तवाडीसी । दृश्य अनेक गुरु दृष्टी ॥ ऐकती गुरु शब्दासी । हा अनुभव कित्येकासी ॥29॥ ऐसी शक्ती ज्याचे जवळी । त्या मनी तळमळ भारी ॥ करविती शिष्याची प्रगती । करविती उपासनेसी ॥30॥ संकल्प वर्णन कोण करी । कार्य चाले संकल्पी ॥ दत्तवाडी क्षेत्र निर्मिती । ही पूर्ण संकल्प सिध्दी ॥31॥ अनुष्ठान जे दत्तवाडीसी । गुरु संकल्पे चालती ॥ पूर्ण होती गुरु संकल्पी । पर्जन्य निश्चित संकल्पी ॥32॥ दत्तजयंती उत्सवी । पर्जन्य येतो कधी कधी ॥ गुरु संकल्प एक साली । टीन मंडप उभारण्यासी ॥33॥ भव्य खांब त्या साली । भव्य हॉल दिसे दृष्टी ॥ थक्क झाले पाहूनी । गुरु संकल्पी ही शक्ती ॥34॥ अनंत चतुर्दशीसी । ताडपत्री मंडप मनी ॥ उभा झाला तसाचि । मोठे घरच गुरु संकल्पी ॥35॥ सिध्दी अनुभव ज्याचे त्यासी । मती माझी मंद अति ॥ वर्णन कसे सांगा तुम्ही । तुम्ही ठरवा घटना सिध्दी ॥36॥ दोन ताप गुरु शरीरी । मुरलीधर पाटील दर्शनासी ॥ चर्चा चालली अखंडी । आवाजी न कळले कोणासी ॥37॥ दोन ताप असूनी । चार तास चर्चेसी ॥ आली कोठूनी शक्ती । मन सामर्थ्य निश्चिती ॥38॥ ही व्यक्तीगत अनुभूती । जाहीर अनुभूती सर्वांसी ॥ सर्व शरीर शक्ती । कमी झाली आजारानी ॥39॥ त्राण नव्हता काही । ठरले कीर्तन आकोल्यासी ॥ शब्द सर्व शिष्य मुखी । ठरविले कसे कीर्तनासी ॥40॥