श्री गणेशाय नम: । श्री गुरूभ्यो नम: । श्री कुलदेवताभ्यो नम: । श्री महालक्ष्म्यै नम: । श्री सरस्वत्यै नम: ॥ पूर्व संचित पाठी । जन्मा येतो मनुष्य प्राणी ॥ भोग भोगतो या जन्मी । जन्मोजन्मीची ठेव ती ॥1॥ जन्म होता भूवरी । षत्रड्रिपू येती बरोबरी ॥ सोडती न त्याला कधी । तारतम्य वापरण्या जरूरी ॥2॥ षत्रड्रिपू जिंकिले ज्यांनी । संत सत्पुरुष नाव त्यासी ॥ ऐशा गुरूकृपे जगी । भवसागर तरतो मनुष्य प्राणी ॥3॥ मनुष्य येतो भूवरी । पूर्व जन्म मित्रत्व जवळी ॥ शत्रुत्व पूर्व कर्मी । वागतो तसे प्रत्येकासी ॥4॥ पत्नी कन्या पुत्र । त्याचीच एक प्रतिकृती ॥ ईश्वर योजना ती । मनुष्या हाती नसे कांही ॥5॥ मनुष्या हाती एकचि । शरण जावे गुरूसी ॥ सेवा करूनी त्यांची । सार्थकता करावी जीवनी ॥6॥ उपासना कर्तृत्वी । ईश्वर सान्निध्य साथी ॥ आर्तता असे अति । साक्षात्कार घडे या जन्मी ॥7॥ संचित भोग भोगण्यासी । प्रयत्नाची ना जरूरी ॥ सुख दु:ख दोन्ही । येई वाटयाला यथा समयी ॥8॥ दु:ख करण्या कमी । गुरूवाचूनी नाही कोणी ॥ समाज दाखवी आपुलकी । संकटी येतो ईश्वरचि ॥9॥ नम्रता पाहिजे गुरूकृपेसी । लीन होण्या नसे तयारी ॥ अहंकार प्रबल देही मनी । जन्मताचि असे शिदोरी ॥10॥ मनुष्या अहंकार अति । मीच करितो वाटे त्यासी ॥ संसार करितो मी । पैसा मिळवितो मी ॥11॥ सर्व कार्य करितो मी । सर्वांना पोसितो मी ॥ मी पण रोमरोमी । ईश दूर त्या पासूनी ॥12॥ ईश योजना सर्वही । तुझे न यांत काही ॥ तू निमित्त करण्यासी । ईश्वर करितो सर्वही ॥13॥ कुंभार फिरवी चाकासी । माशी बसे त्यावरी ॥ तिला वाटे फिरविते मी । तैशी मनुष्याची गती ॥14॥ छत्रपती शिवाजीशी । अहंकार झाला मनी ॥ बांधितो किलरूा मी । पोसितो सर्व मजुरांसी ॥15॥ रामदास गुरू ज्ञानी । आले शिष्याजवळी ॥ बोलाविले मजुरासी । फोड म्हणती या दगडासी ॥16॥ फोडिता खडकासी । बेडूक निघाले त्यातूनी ॥ गुरू विचारिती शिष्यासी । कोणे पोसिले बेडकासी ॥17॥ अहंकार गेला विरूनी । धरले गुरू चरणासी ॥ मी पोसितो वाटे मजसी । मी निमित्त करण्यासी ॥18॥ पोसितो माझेच प्रजेसी । इतरांना न देतो काही ॥ कार्य करितो माझेचि । इतरांच्या कार्या नसे मती ॥19॥ योजना सर्व ईश्वरी । माझे कर्तृत्व त्यात कमी ॥ ईश्वरी सत्तेवाचूनी । एक क्षणही न टिके जगी ॥20॥ व्यर्थ न जावो जन्मफेरी । ही विनंती ईश्वराजवळी ॥ उपासना नित्य गुरूंची । उपाय असे त्यावरी ॥21॥ नित्यक्रम चालविण्यासी । शक्ती देती गुरूदेवचि ॥ योजना ही पूर्ण त्यांची । ढवळाढवळ न चाले काही ॥22॥ ऐशा शिष्या मिळवूनी । प्रगती करिती शिष्याची ॥ कार्य करण्या तीर्थक्षेत्री । पूर्व योजना अदृश्यी ॥23॥ मनुष्य तर्क न चाले काही । बुध्दी पडते अति कमी ॥ ऐसेचि घडले कांही । बीजा रोपण भांबेरीसी ॥24॥ आकोटचे रहिवाशी । आले राहण्या तेल्हाऱ्यासी ॥ योजना ती पहिली । गेले न दुसऱ्या गावी ॥25॥ गोविंद आवदे नामी । पहेलवान त्यांना म्हणती ॥ चार बंधू ते असती । व्यायाम नित्य आखाडी ॥26॥ डबलबार रोमन रिंगी । प्रवीणता अमरावतीसी ॥ हनुमान व्यायाम मंदिरी । हनुमानावरी निष्ठा त्यांची ॥27॥ पिता लक्ष्मण जरी । दत्तक ते माधव काकासी ॥ आजोबा रामचंद्र नामी । परंपरा बादरायण गोत्री ॥28॥ सत्तरी जरी आजी । नित्य सूर्य नमस्कार सकाळी । संबंध अदृश्य सृष्टी । न कळे कोणा आधी ॥29॥ दर्शना जाती भांबेरीसी। स्वप्न सांगण्या एकदिनी ॥ वाटले जावे भांबेरीसी । सांगती स्वप्न गुरूजवळी ॥30॥ दीप ज्योत मालवली स्वप्नी । मनावरी ताण अति ॥ गुरू समजाविती तात्यासी । त्यात नाही काही ॥31॥ अनुताप होता मनी । पुत्र दु:ख होते मनी ॥ पत्नी वियोगे अशांती । बेचैनी असे अंत:करणी ॥32॥ काही करावे वाटे मनी । गुरू प्रेरणा तात्यासी ॥ गजानन वारी करा तुम्ही । संकट होईल दूरी ॥33॥ गुरू विचार मनी । धैर्य खचेल स्पष्ट शब्दी ॥ उपाय प्रेरणा यावरी । अनुष्ठानाची असे जरूरी ॥34॥ संकट होते मोठेचि । उपाय लागेल तसाचि ॥ आज असे या भागी । गजाननी भिस्त भारी ॥35॥ गुरू प्रेरणा एक दिनी । करा एकवीस पारायणासी ॥ गजानन विजय ग्रंथी । ताण झाला मनी कमी ॥36॥ पारायण एक बैठकी । शक्य नव्हते म्हणूनी ॥ एक पारायण तीन दिनी । सुरू केले सुमुहूर्ती ॥37॥ सुरू करिता पारायणासी । दुसरी प्रेरणा तात्यासी ॥ गुरू करा विष्णुदासासी । पहिला गुरू जरी तुम्हासी ॥38॥ सुरू असता पारायणासी । सुरू होती गजानन वारी ॥ विचारिले गुरूला त्यांनी । गुरूवार मुहूर्त सांगती ॥39॥ स्नान संध्या पारायण करूनी । गेले ते नारायण मठासी ॥ आणखी काही जण बरोबरी । एक एका मंत्र देती ॥40॥