श्री गणेशाय नम: । श्री गुरूभ्यो नम: । श्री कुलदेवताभ्यो नम: । श्री महालक्ष्म्यै नम: । श्री सरस्वत्यै नम: ॥ योजना अदृश्य सृष्टीची । तेथे न कळे कोणासी ॥ गुरू अवतार शनिप्रदोषी । प्रकटले कार्यक्षेत्री शनिप्रदोषी ॥1॥ गुरू जन्म भूमीवरी । घेतला असे ज्या मुहूर्ती ॥ गुरू प्रकटले कार्यक्षेत्री । मुहूर्त असे तोचि ॥2॥ योगायोग म्हणा त्यासी । योजना असे अदृश्य सृष्टीची ॥ आंधळयाने आणिले गुरूसी । तर्का न जागा कांही॥3॥ जे न राहिले एक जागी । राहिले कसे भांबेरीसी ॥ शिष्य केले कांही । मार्गदर्शन प्रत्येकासी ॥4॥ भांबेरी कार्य संपताचि । आकर्षण वाटले गाडेगांवी ॥ कार्यक्षेत्र बदलूनी । दत्त मंदिर स्थापिले गुरूंनी ॥5॥ उत्साही शिष्य कितीतरी । योजना नसे तशी ॥ जीर्णोध्दार कार्य संपताचि। नारायण मठ सोडिला त्यांनी ॥6॥ तीर्थक्षेत्र निर्मितीसी । पूर्व भूमिका समजा ती ॥ चूक नसे अदृश्यी । जागा असावी मालकीची ॥7॥ योजना ती पूर्वीची । कल्पना नव्हती कोणासी ॥ अदृश्य सृष्टी कल्पना ती । ग्रहण केली स्वप्नी ॥8॥ भाऊ भिडे तेल्हाऱ्यासी । मोलकरीण त्यांच्या घरी ॥ राधाबाई ठाकरीण म्हणूनी । जिव्हाळा होता अति ॥9॥ स्वप्न झाले तिसी । महाराज आले कार्यालयी ॥ खरेदी केली जागेची । पक्के केले रजिष्ट्रारांनी ॥10॥ स्वप्न सांगता तिनी । खरे न वाटले कोणासी ॥ सूचना अदृष्य सृष्टीची । हंसू आले ऐकून स्वप्नासी ॥11॥ घडला तो चमत्कार । ठरले ते मार्गदर्शन ॥ जागा घेतली विकत । रजिष्ट्रर केले खरेदीस ॥12॥ योजना अदृश्य सृष्टीची । तयार होती किती आधी ॥ ग्रहण केले राधाबाईनी । योजना प्रत्यय सर्वांसी ॥13॥ योजना ठरता जागेची । जागा अनेक सर्वा समोरी ॥ रहित होती पक्के होऊनी । घेतली किसनबुवा वडतकाराची ॥14॥ अदृश्य सृष्टी योजना ती । प्राचीन तपोभूमी ती ॥ दोन तपस्वियांची भूमी । खरेदी केली गुरूंनी ॥15॥ पूर्व संस्कार भूमीवरी । तपस्वियांची जागा ती ॥ अनुष्ठानाची भूमी ती । यज्ञ यागाची जागा ती ॥16॥ वेदपठणाची जागा ती । तपस्वियांची इच्छा ती ॥ अनुष्ठाना अनुकूलता ही । यज्ञाला योग्य भूमी ही ॥17॥ तपस्वियांची इच्छा ती । गुरू संकल्पे तृप्ती त्यांची ॥ अनुकूलता तपस्वियांची। कार्य सुलभता अदृष्यी ॥18॥ तीर्थक्षेत्र निर्मिती । गुरू कार्य असे जीवनी ॥ आनंद तपस्वियांसी । साहाय्य करिती गुरूकार्यी ॥19॥ अतृप्त इच्छा दोघांची । पूर्ण केली गुरूंनी ॥ साहाय्य त्यांचे कार्यी । गुरू घेती अदृश्यी ॥20॥ निर्णय गुरूंचा गाडेगांवी । जागा पाहिजे मालकीची ॥ सार्वजनिक जागा कलियुगी । उपयोगी नसे उपासनेसी ॥21॥ उपासना करण्यासी । निवांत जागेची जरुरी ॥ अधिकार न कोणासी । स्वयं प्रेरणा उपासनेसी ॥22॥ वाव न राही इतरांसी । उपासकाचीच पाहिजे गर्दी ॥ निवांतपणा उपासनेसी । प्रगती साधेल भक्तांची ॥23॥ उपासने शक्ती निर्मिती। सत् कार्ये होती सहजचि ॥ विद्युत केंद्र शक्ती । जोडता येईल सत्कार्यी ॥24॥ प्रेरणा संदेश कोठेही। संदेश येईल कोठूनही।दूरदर्शन कार्यही । करेल ही उपासना शक्ती ॥25॥ प्रकाश केंद्र हेचि । ज्ञान प्रकाश मिळे येथूनी ॥ अंधकार जाईल दूरी । अज्ञान न राहील कांहीं ॥26॥ सत्ययुग निर्मिती । भ्रम होईल दूरी ॥ दांभिकता न राहे काही । खरा धर्म कळेल सर्वा ॥27॥ पैशाने न मिळे काही । स्व प्रयत्नाची जरुरी॥ पैशाने न अडे काही । प्रभू समर्थ सर्व देण्यासी ॥28॥ मन प्रबल जगी । इच्छेने होते सर्व निर्मिती ॥ इच्छाशक्ती सृष्टी निर्मिती । इच्छामात्रे मानव निर्मिती ॥29॥ गुरू इच्छा प्रबल शक्ती । ब्रह्मा शक्ती असे जवळी ॥ नवीन तीर्थक्षेत्र निर्मिती । इच्छा असे पूर्ण गुरूची ॥30॥ गुरू ब्रह्मा म्हणूनी । प्रत्यय प्रयोग समोरी ॥ ओळख नव्हती एकाचीही । पैसा नसे जवळी ॥31॥ निर्माण केले तीर्थक्षेत्रासी । अभिनव प्रयोग म्हणती ॥ उत्पन्न काय विचारिती । उत्पन्न नाही उत्तर त्यासी ॥32॥ चालते कसे म्हणून । विचारणा करिती सर्व ॥ जावयाहूनी अधिक। व्यवस्था होई सर्वांची ॥33॥ येणारा जाणारा कोणी । गेला नाही चहा वाचूनी ॥ कोण करितो खर्चासी । यक्ष प्रश्न सर्वा समोरी ॥34॥ वर्गणी करिता कां तुम्ही । विनंती करिता कां कोणासी ॥ चालवितो का धनिक कोणी । मासिक वार्षिक निधी कांही ॥35॥ धनिकाचे लग्नापरी। उत्सव कसे करिता तुम्ही ॥ कोडे हे येणाऱ्या जाणाऱ्यासी । सुटणे अशक्य सर्वांसी ॥36॥ इच्छा मात्रे होते सर्वही । हा विश्वास नसे जगी ॥ तो विश्वास आणण्यासी । प्रयोग हा दत्तवाडीस ॥37॥ आमंत्रण पत्रिका नाही । उत्सवा कसे सर्व येती ॥ प्रेरणा त्यांच्या मनी । यथाशक्ती कार्य करिती ॥38॥ इच्छा होता गुरू मनी । प्रेरणा मिळे योग्य मनी ॥ स्वयं प्रेरणे कार्यासी । सांगण्या नसे कोणा जरुरी ॥39॥ बोल नसे गुरूवरी। ज्याचे फल त्याचे जवळी ॥ प्रेरणा उपासनेची भक्तासी । फल जबाबदारी त्याची ॥40॥