श्री गणेशाय नम: । श्री गुरूभ्यो नम: । श्री कुलदेवताभ्यो नम: ॥ श्री महालक्ष्म्यै नम: । श्री सरस्वत्यै नम: ॥ प्रभुराम अवतार कार्यी । जन्मा आले प्रथम रघुरायी ॥ लक्ष्मण जन्मले नंतरी । हनुमंत आले त्यांचे कार्यी ॥1॥ कृष्णा जन्मा आधी । बळीराम आले भूमीवरी ॥ शिष्य इष्ट मित्रही । जन्मा आले योजनेनी ॥2॥ प्रत्येक अवतार कार्यी । योजना अदृश्य सृष्टीची ॥ कार्या इष्ट व्यक्तीसी । जन्मा पाठविती भूमीवरी ॥3॥ योग्य वेळ जन्माची । कार्य होते त्या वेळी ॥ शत्रू भक्त दोन्हीही । जन्मा येती त्याच वेळी ॥4॥ संबंध त्याचा कोठेतरी । जन्मोजन्मीची शिदोरी ॥ संबंध या जन्मी । फल असे पूर्व कर्मी ॥5॥ शत्रुत्व पूर्व जन्मी । त्रास देण्याची वृत्ती ॥ कर्मे त्यांची त्यांनाचि । नष्ट करिती खचितचि ॥6॥ मित्रत्व पूर्व जन्मी । सेवा करिती या जन्मी ॥ कृपा मिळविती गुरूची । पट्ट शिष्य गणना त्यांची ॥7॥ अवतार कार्या पाठविती । अनेक जन्माचे सोबती ॥ गुरू आहेत अवतारी । पाठविले अनेका भूमीवरी ॥8॥ इतरांची योग्यता कमी । विसरती आपुले कार्यासी ॥ गुरू प्रेरणा प्रत्येकासी । कार्या लावती योग्य वेळी ॥9॥ निमित्त भिन्न प्रत्येकी । शिष्य केले योग्य व्यक्तीसी ॥ पूर्व जन्म संचितासी । फल देती या जन्मी ॥10॥ कोणत्या जन्माचे कर्मासी । फल येती कोणते जन्मी ॥ सोपे न हे सांगण्यासी । गुरूकृपे फल या जन्मी ॥11॥ तळमळ साक्षात्काराची। आर्तता अंत:करणी ॥ फल तेचि या जन्मी । शिष्य करिती गुरू त्यासी ॥12॥ कोण्या जन्मी कोणती । सत्कर्म कर्म विपाकी ॥ कळते अनेक जन्माची । गुरूसी भक्त कुंडली ॥13॥ बीडकरा प्रेरणा देऊनी । आणिले भांबेरी ग्रामी ॥ शिष्य केले बीडकरासी । पूर्व जन्म फल प्राप्ती ॥14॥ लोखंडकार शिष्यासी । स्वप्न प्रेरणा देता क्षणी ॥ सेवा करण्या बोलाविती । जन्म सार्थक या जन्मी ॥15॥ असे अनेक शिष्यासी । हेरून या भागी ॥ आकर्षिले त्यांना गुरूंनी । पूर्व जन्म कर्म फल ते ॥16॥ प्रत्येक शिष्या वाटते ऐसेचि । गुरू भेटी झाली कैशी ॥ चमत्कार वाटतो प्रत्येकासी। सोडिती सार्थकतेच्या श्वासासी ॥17॥ कोण कोण आले या कार्यी । गुरूसी ज्ञान सर्वही ॥ प्रेरणा देऊनी योग्य समयी । शिष्य करिती त्यासी ॥18॥ कोणाजवळ कोणती । सूक्ष्म द्रव्य असती ॥ कोणाची प्रगती किती । होईल हे कळते गुरूसी ॥19॥ योग्य समय येण्यासी । कसे वागावे कोणासी ॥ आर्तता वाढवूनी शिष्याची । देती गुरू मंत्रासी ॥20॥ कोणता मंत्र देऊनी । प्रगती होईल शिष्याची ॥ परंपरा कोणती त्याची । हे कळते गुरूसी ॥21॥ भांबेरी ग्रामी काही । शिष्य असती थोडेचि ॥ अध्यात्म प्रगती त्यांची । व्हावी ऐशी इच्छा गुरूंची ॥22॥ असती शिष्य गांवोगांवी । तळमळ असे ज्यांचे मनी ॥ उपासनेवरी असे प्रीती । साक्षात्काराची आर्तता मनी ॥23॥ निवड ऐशा शिष्याची । गुरू स्वयं करिती ॥ येतील या मार्गी । ऐसे गुरू सांगती ॥24॥ ऐसे शिष्य वृत्तासी। सांगावे वाटते मनी ॥ डॉक्टर देशपांडे सुमंतरावनामी । तेल्हारा ग्रामी असती ॥25॥ शेषराव विश्वनाथ नामी । शिक्षणा आले तेल्हारी ॥ घरची होती गरिबी । पार केली अकरावी ॥26॥ प्रवेश मिळाला आयुर्वेद शाळी । वैद्य झाले ते सहजचि ॥ वैद्यकीय व्यवसायासी । तेल्हाऱ्यावरी प्रीती ॥27॥ त्रिविध तापे तापती । तेचि होती अधिकारी ॥ ऐशी अनुभूती परमार्थी । कळते प्रत्येक शिष्यासी ॥28॥ शरीर स्वास्थ्य तैसेचि । आर्थिक ताण अति । संसारी सर्व जबाबदारी । करी त्यावरी येते सर्व ॥29॥ न दुखवावे कोणाचे मनासी । ऐसा विचार ज्याचे मनी ॥ त्याचे मना ताण अति । हा अनुभव घरोघरी ॥30॥ आजोळ ज्यांचे वानखेडी। बाबा म्हणती मामासी ॥ त्यांची निष्ठा गुरूवरी । येती कधी दर्शनासी ॥31॥ एक दिवस सहजचि । आले दर्शना वानखेडहूनी ॥ गेले गाडेगाव मठासी । बैसले गुरू जवळी ॥32॥ वानखेडकर म्हणती गुरूसी । डॉक्टर माझा भाचा जरी ॥ गोडी नाही इकडची । काय उपाय यासी ॥33॥ गुरू म्हणती बाबासी । टिपले मी कालचे स्वप्नासी ॥ दाखवितो मी तुम्हासी । इकडे येईल भाचाही ॥34॥ गुरूंच्या त्या स्वप्नी । गर्दी होती एका जागी ॥ डॉक्टर होते त्यामध्यी । गर्दीतून आले दर्शनासी ॥35॥ गुरूसी कळले त्या स्वप्नी । डॉक्टर देशपांडे कधीतरी । या समाज गर्दीतूनी। येतील शिष्य होण्यासाठी ॥36॥ चमत्कार आश्चर्य हेचि । त्याच दिनी डॉक्टर दर्शनासी ॥ मामा सांगती भाच्यासी । गुरू स्वप्न वाचले आजी ॥37॥ कांही न कळले इतरांशी । स्वप्न परिणाम डॉक्टरावरी॥ आत्मियता वाढली थोडी । ध्यास लागला काही ॥38॥ स्वप्न त्यांना एक दिनी । गुरू आले त्यांचे घरी ॥ प्रसाद दिला गुरुंनी। वाटावया सांगती सर्वासी ॥39॥