श्री गणेशाय नम: । श्री गुरूभ्यो नम: । श्री कुलदेवताभ्यो नम: । श्री महालक्ष्म्यै नम: । श्री सरस्वत्यै नम: ॥ गुरू सांगती सर्वांसी । गवगवा नको उपासनी ॥ सातत्य नाही म्हणूनी । जरूरी वाटे प्रसिध्दीची ॥1॥ सातत्य जर उपासनी । जाहिरातीची न वाटे जरूरी ॥ देखाव्यात न राहे गोडी । अनुभवातचि वाटे गोडी ॥2॥ सातत्याचा कंटाळा जीवनी । पत्र पत्रकावरी आवडी ॥ अनुभव कसा त्यातूनी । कटकटी येती नशिबी ॥3॥ जाहिरात प्रसिध्दी । विरोधकाची करी जागृती ॥ आव्हान मिळे त्यासी । ज्याची न कांही जरूरी ॥4॥ सातत्ये करा काही । कार्य होते सहजचि ॥ विरोध होतो कमी । प्रगती होते उपासकाची ॥5॥ थेंबे थेंबे तळे साची । म्हण असे मराठी ॥ तैसे होते अध्यात्मी । शक्ती वाढे सातत्यी ॥6॥ इच्छा यज्ञाची जरी । आहुती वैश्वदेवकुंडी ॥ सातत्ये करिता थोडेही । पूर्ण होती आहुती ॥7। नित्यक्रमाची जरूरी । पुरश्चरण जर मनी ॥ नित्य करिता काही । होते पूर्ण पुरश्चरण ॥8॥ मुख्य अडचण एकचि । आवड नसे सातत्याची ॥ प्रसिध्दीची हाव मनी । यश न मिळे कार्यी ॥9॥ इतका खर्च करूनी । कार्य न होते म्हणूनी ॥ निराशा येते मनी । विश्वास ढळतो त्यातूनी ॥10॥ गुरूची सातत्य वृत्ती । अनुभवा येते क्षणोक्षणी॥ कार्य सांगू किती । अनुष्ठान केले कितीतरी ॥11॥ पर्जन्यासाठी मठासी । अनुष्ठान झाले कांही ॥ गवगवा नाही काही । अनुष्ठाने यश पाठी ॥12॥ अनुष्ठानाची पध्दती । ॠषी प्रतिमा करूनी ॥ ठेविती महादेवा समोरी । भृगू ॠषी पाटावरी ॥13॥ कपडा बांधूनी सभोवती। जनता संपर्क कमी ॥ अभिषेक औदुंबरी । धार सतत पादुकावरी ॥14॥ पत्ता नसे कोणासी । अनुष्ठान कशासाठी ॥ दिनरात अखंडी । धार ती पादुकावरी ॥15॥ पर्जन्य वृष्टीसाठी । सुरू करिता अनुष्ठानासी ॥ पाऊस वर्षवी शक्ती। तिसरे दिनी अनुष्ठानी ॥16॥ ॠषी अवयव काही । नष्ट होता जलानी॥ अनुष्ठान संपते नंतरी । ॠषी पूजा नैवेद्यी ॥17॥ एक साली ऐसेचि । पाऊस नाही म्हणूनी ॥ गुरू इच्छा मनी । तयारी ती चालली ॥18॥ पंचांगकर्ते विदर्भी । राजंदेकर आकोला रहिवासी ॥ आले दर्शना मठासी । पाऊसाची चर्चा कांही ॥19॥ ते सांगती गुरूसी । मुहूर्त नाही पंचांगी॥ पंधरा दिवस अजूनी । पाऊस नसे विदर्भी ॥20॥ त्याच दिनी तयारी । ॠषी पूजा करूनी ॥ आरंभिले गुरूंनी । अनुष्ठान औदुंबरी ॥21॥ प्रत्येकाची भिन्न पाळी । गुरू फक्त तीर्थावरी ॥ संदेश तो देवासी । संधान ते अदृश्यी ॥22॥ पाऊस आला लवकरी । कार्य झाले सहजचि ॥ गवगव्याची नसे जरूरी । कार्य होते निश्चिती ॥23॥ तिथी मुहूर्त नसूनी । पाऊस आला म्हणूनी ॥ गुरू पटविती सर्वासी । सातत्ये होते सर्वही ॥24॥ पर्जन्य अनुष्ठानी । यश आले नाही ॥ ऐसे न झाले कधी । श्रध्दा ठेवा सातत्यी ॥25॥ ऐसेच अनुष्ठान एक साली । केले अटकळी मंदिरी ॥ गवगवा नको म्हणूनी । गावाहूनी दूर स्थळी ॥26॥ रहावे निवांत स्थळी । इच्छा गुरूची एकचि ॥ विश्रांती घ्यावी कांही । करावे अखंड जपासी ॥27॥ दिवस ठरला त्यासी । सप्ताह कार्यक्रम म्हणूनी ॥ ट्रॉली आली नेण्यासी । अटकळी ग्राम वासी ॥28॥ योग आला मजसी । गुरू सहवास प्रारंभी ॥ पोहचलो आम्ही रात्री । अटकळी निवांत मंदिरी ॥29॥ जंगम सत्पुरूष पूर्वी । होऊन गेले त्या स्थळी ॥ उपासने साठी त्यांनी । बांधिले होते मंदिरासी ॥30॥ लिंगायत आप्पाची । उपासना शंकराची । शंकरा आवड नागाची । प्रतिमा नागनाथाची ॥31॥ कथा ऐकल्या काही । पाण्याच्या दीपाची ॥ प्रसिध्दी त्या मंदिरी । नाग भव्य त्या भागी ॥32॥ बाधा न कोणासी । ऐसे ऐकियेले कानी ॥ मंदिरा शेती काही । त्याने जीर्णोध्दार मंदिरी ॥33॥ मंदिरी एक पुजारी । पूजा करूनी सकाळी ॥ बंद मंदिर दिनभरी । उपासना आज न काही ॥34॥ ऐशा त्या मंदिरी । मुक्काम गुरू करिती ॥ काय योजना त्यांची । न कळे कोणासी ॥35॥ दुसरे दिनी उठूनी । स्नान पूजा सूर्योदयी ॥ उजळली नागमूर्ती । गुरू इच्छे सर्वही ॥36॥ गुरू संकल्पे आज्ञी । सुरू केले मी जपासी ॥ अनुभव त्याच क्षणी । सत्पुरुष बैसले समोरी ॥37॥ नागफणी जागी । सप्तफणी नाग दृष्टी ॥ साध्वी स्त्रीने येऊनी । दर्शन घेतले आनंदी ॥38॥ विद्युत लहरी शक्ती । शिरली बोटातूनी ॥ ऐसा अनुभव गुरू संन्निधी । शंकर पिंड दृष्टी ॥39॥ गुरूची अगाध शक्ती । येती अनेक भक्त जपासी ॥ स्वयंपाक नाही कांही । डबे येती सर्व बाजूनी ॥40॥ जेवती शिष्य किती । पन्नास पासून दोनशेवरी ॥ चहाची तर नाही गणती । अखंड उपासनेची शक्ती ॥41॥ गुरू म्हणती शिष्यासी । किलरूी देता घडयाळासी ॥ चालते ती आठवडाभरी । किलरूी देणारा असो नसो जवळी ॥42॥