श्री गणेशाय नम: । श्री गुरुभ्यो नम: । श्री कुलदेवताभ्यो नम: । श्री महालक्ष्म्यै नम: । श्री सरस्वत्यै नम: ॥ देवाची प्रचंड शक्ती । त्या सर्व शक्तीचेही ॥ काम आहे कां प्रत्येकासी । उत्तर गुरुचे त्यासी ॥1॥ येवढया शक्तीचे कार्यासी । जरुर नसे मानवासी ॥ लागे त्याचे कार्यासी । कितीतरी कमी शक्ती ॥2॥ पंप तीन अश्वशक्ती । असे दत्तवाडी विहिरीवरी ॥ पाणी येई त्यातूनी । धो धो करीत धार मोठी ॥3॥ पाणी पाहिजे जर लोटाभरी । पूर्ण धारेची ना जरुरी ॥ धारेच्या एका कोपऱ्याशी । भरते तुमची कळशी ॥4॥ कळशी धरता मध्यभागी । धार शक्तीने कळशी खाली ॥ तोल जातो कधी । शरीर कळशी दोन्ही कलंडती ॥5॥ देवाच्या अति सूक्ष्म शक्ती । कार्य होती कितीतरी ॥ आपल्या अपेक्षा पूर्तीसी । जरुर ना पूर्ण शक्तीची ॥6॥ देव कशाला येई । लहान सहान कार्यासी ॥ तो न येताचि । करितो कित्येक भक्त कार्यासी ॥7॥ प्रत्यक्ष येण्या देवाची । निकड ज्या भक्तामनी ॥ त्या भक्ता दर्शन देती । इतरांची करिती इच्छापूर्ती ॥8॥ धु्रव प्रल्हादासी । दिले प्रत्यक्ष दर्शनासी॥ अनेक भक्तांची देवांनी । केली कामे कितीतरी ॥9॥ इच्छा शक्ती संबंध मनी । मन ही प्रचंड शक्ती ॥ इच्छा मात्रे सृष्टी निर्मिती । इच्छा मात्रे घडे सर्वही ॥10॥ इच्छा असे अंतर्मनी । मन विचार करण्यासी ॥ उपासनाचि कार्य करी । सूक्ष्म कार्य ते जगी ॥11॥ वीज चमकते आकाशी। गडगडाट होतो त्याच क्षणी ॥ प्रकाश दिसतो आधी । गडगडाट त्या नंतरी ॥12॥ प्रकाश गडगडाटा आधी । प्रकाश वेग जास्त ध्वनीहूनी ॥ सूक्ष्म मन वेग अति । बुध्दी वेग असे कमी ॥13॥ पुढील घटना नोंदी । घेऊ शकती सूक्ष्म मनी ॥ आगामी घटना ग्रहणी । सामर्थ्य असे सूक्ष्म मनी ॥14॥ भूवरी लोकवस्ती । सूक्ष्म कवच भोवती ॥ त्यात असे शक्ती । उपासने वाढे सूक्ष्म शक्ती ॥15॥ सर्व मन नसे कार्यी । जप उपासना वेळी ॥ मन गुंतले विकल्पी । जपात ते फार कमी ॥16॥ मनाचे होती भाग काही । त्यातील थोडे असे जपी ॥ थोडे नसते जर जपी । बंद पडता जप तोही ॥17॥ उपासने विकल्पाचे मनी । प्रमाण होते कमी ॥ जप प्रमाण वाढूनी । प्रगती साधे त्यातूनी ॥18॥ उपासना करा काही । शक्ती वाढते सहजचि ॥ अपेक्षा वाढता काही । संपे ती त्या पूर्तीसाठी ॥19॥ देवांना आनंद यातचि । अपेक्षा पूर्ती भक्ताची ॥ ॠणमुक्त होतो देवही । अपेक्षा रहिताची करी चाकरी ॥20॥ कळते शिष्या काही । कृती न घडे तशी ॥ गुरू दत्त अवतारी । कळते पण वळत नाही ॥21॥ गुरू शक्ती किती । हे कळते अनुभवानी ॥ स्वप्न पाडण्या शक्ती । हा अनुभव शिष्यासी ॥22॥ मन विचार कळती । हा अनुभव अनेकासी॥ घरचे दृष्य सांगती । हा अनुभव ज्याचा त्यासी ॥23॥ रुपे बदलूनी गुरूनी । शिष्या - संकटी धावती ॥ हा अनुभव या पूर्वी । कळेल आणखी पुढती ॥24॥ गुरू संकल्प शक्ती । प्रभावी असे किती ॥ दत्तवाडी ही नित्यचि । असे प्रत्यक्ष अनुभूती ॥25॥ असे राम अवतारी ॥ कथा सेतू बांधण्याची ॥ राम नामे तरती । दगड समुद्र जली ॥26॥ कथा या अध्यायी । स्मरता गुरू नामी ॥ विष्णुदास या अक्षरी । सुखरुप पुत्र प्राप्ती ॥27॥ हे सामर्थ्य गुरू स्मरणी । परंपरा थोर त्यांची ॥ उपासना परंपरा कोणती । विचारिता सांगती त्यासी ॥28॥ श्री वासुदेवानंद सरस्वती। टेंबे स्वामी प्रसिध्दी ॥ त्यांचे शिष्य काशी क्षेत्री । मोघे आडनावी संन्यासी ॥29॥ आश्रम त्यांचा दुर्गाघाटी । गंगा किनारी वसती ॥ त्यांचा उपदेश गुरूंनी । घेतला एकविसावे वर्षी ॥30॥ बीज मंत्र घेऊनी । जप करिती अंत:करणी ॥ दोन भाग त्यामध्यी । कोणी करिती अर्थ समजूनी ॥31॥ गुरू सांगती त्यासी । बुध्दीने आकलन करूनी ॥ जे करिती जप - पाठासी । याला म्हणती अर्थ समजूनी ॥32॥ दुसरा अर्थ जपातूनी। प्रेरणे कळे भक्तासी ॥ अर्थ प्रत्यक्ष अनुभूती । श्रेष्ठ प्रेरणा पध्दती ॥33॥ ऐसे उत्तर नागपूरी । सूर्य पुत्र प्रकाशन भेटी ॥ विजय देशमुख घरी । श्रध्दा ज्यांची गुरूवरी ॥34॥ तेल्हारा गाडेगांव रहिवासी । शेती घर गाडेगांवी ॥ पिता यशवंत नामी । दादा पाटील ख्याती ॥35॥ गुरू मुभ्क्काम गाडेगांवी । विजयचा संबंध बालपणी ॥ श्रध्दा ती त्यावेळी । वाढली ती नंतरी ॥36॥ रिझर्व बँक नोकरी । पदवीधर झाल्यावरी॥ प्रेरणा प्रवचनासी । शिव कथाकार तया म्हणती ॥37॥ सूर्य पुत्र ग्रंथी । प्रेरणा कर्ण चरित्रासी ॥ गुरू प्रेरणा सर्व ती । ही श्रध्दा त्यांचे मनी ॥38॥ परमोच्च आनंद क्षणाची । अनुभूती सूर्यपुत्र लिखाणी ॥ आग्रह गुरूंना विशेषी । ग्रंथ प्रकाशनासी ॥39॥ ग्रंथ प्रकाशन भाषणी । गुरू सांगती सर्वासी ॥ सतत ध्यास मनातूनी । निर्मिती झाली सूर्यपुत्र ग्रंथाची ॥40॥